Jo yoon hota..

"Itne kisson mein ek ye bhi hua,

khushq baharon ne man ko chhua.

khush hain tum rehti ho door,

sukoon hota jo hoti paas.

giley shikwe hum rakhte nahi,

koi aarzoo bhi nahi hai khaas.

ehsaas ki tum meri ho, 

sukoon hota jo hoti paas.

sardiyon mein dhoop to kya hogi,

par jeevan saara to tumse hai.

ek garm hawa aayi thi abhi,

kya koi ishara tumse hai.

rangon ko abhi jaana hi tha,

tha aur abhi baaki ehsaas. 

tasveer ka khali sheesha hun,

rangeen hota jo hoti paas.

hai itna pyar kyun tujhse,

mar kar bhi na jaaye teri aas.

bechain hogi rooh meri,

sukoon hota jo hoti paas."

- R.R.